رشتے آسمانوں کے بعد میدانوں میں بھی بننے لگے ۔۔۔۔۔ نامور خاتون کرکٹر کو گراؤنڈ کے اندر ہی شادی کی پیشکش مل گئی

ایڈیلیڈ(ویب ڈیسک) آسٹریلوی کرکٹر امینڈا جیڈ ویلنگٹن کو ان کے دوست نے کرکٹ فیلڈ میں ہی شادی کی پیشکش کردی، صرف یہی نہیں بلکہ جواب بھی ہاں میں مل گیا۔ ویمنز بگ بیش میں میلبورن رینیگیڈز سے میچ میں فتح کے بعد ایڈیلیڈ اسٹرائیکرز کی امینڈا ساتھی پلیئرز کے ہمراہ جشن منارہی تھیں،

ایسے میں ان کے دوست ٹیلر میک کیچنی فیلڈ میں داخل ہوئے اور قریب پہنچ کر ایک گھٹنے کے بل بیٹھتے ہوئے شادی کی پیشکش کردی جس پر امینڈا نے ’یس‘ کہا۔اس موقع پر قریب موجود ساتھی کھلاڑیوں نے انھیں مبارکباد دی۔ 22 سالہ امینڈا نے 2016 میں آسٹریلیا کیلیے ڈیبیو کیا اور اب تک 8 ٹی 20، 12 ون ڈے اور ایک ٹیسٹ کھیل چکی ہیں۔

اس خبر پر اپنی رائے کا اظہار کریں