گڈانی میں دھماکا،3افرادجاں بحق،50زخمی

حب ( ہاٹ لائن )گڈانی میں شپ بریکنگ یارڈ کے قریب جہاز کے آئل ٹینک میں دھماکے سے4 مزدور جاں بحق اورمتعدد زخمی ہو گئے۔
میڈیا رپورٹس کے مطابق گڈانی شپ بریکنگ یارڈ کے قریب جہاز کے آئل ٹینک میں آگ بھڑک اٹھی جس کے بعد ٹینک زور دار دھماکے سے پھٹ گیا ،دھماکے کی زد میں آکر4 مزدور جاں بحق اور 68 زخمی ہیں جنہیں سول ہسپتال حب منتقل کردیا گیا ہےجبکہ سول ہسپتال میں ایمرجنسی نافذ کر دی گئی ہے۔جہاز میں درجنوں افراد تاحال پھنسے ہوئے ہیں جنہیں باحفاظت نکالنے کی کوشش کی جا رہی ہے ۔ دھماکہ آئل ٹینک کی صفائی کے دوران ہوا ۔
پولیس ذرائع کا کہنا ہے کہ دھماکا جہاز توڑنے کے دوران آگ بھڑکنے سے ہوا جس سے جہاز توڑنے والے 68مزدور بری طرح جھلس گئے ہیں اور زخموں کی تاب نہ لاتے ہوئے اب تک 4 مزدور جاں بحق ہو چکے ہیں ۔
ایدھی ذرائع نے بتایا ہے کہ زخمیوں کو ایمبولینسوں کے ذریعے سول ہسپتال منتقل کر دیا گیا ہے تاہم ہلاکتوں میں مزید اضافے کا خدشہ ہے۔ جائے حادثہ پر آگ بجھانے کا عمل جاری ہے اور امدادی ٹیمیں پہنچ چکی ہیں ۔