یورو ، چینی یوآن ، تھائی بھات ، بھارتی روپیہ اور بنگلہ دیشی ٹکے کے مقابلے میں پاکستانی روپے کی قیمت میں 24 فیصد تک بہتری

کراچی(ہاٹ لائن ) چار ماہ کے دوران پاکستانی روپیہ ایشیا کی دیگر کرنسیوں کے مقابلے میں 24 فیصد تک بہتر ہوا۔ یورو کے مقابلے میں پاکستانی روپیہ 24 فیصد ، چینی یوآن اور تھائی بھٹ کے مقابلے میں 14 فیصد ، بھارتی روپے کے مقابلے میں 11 فیصد جبکہ بنگلہ دیشی ٹکے کے مقابلے میں 4 فیصد بہتر ہوا ۔ اس وقت ملک میں زرمبادلہ کے ذخائر تاریخ کی بلند ترین سطح 24 ارب ڈالر کی سطح کو چھو چکے ہیں ۔ دوسری جانب سٹیٹ بینک نے اپنی سالانہ رپورٹ میں لکھا ہے کہ حکومت کو معاشی ترقی میں مزید اضافے کے لئے برآمدی شعبے پر خصوصی توجہ دینے کی ضرورت ہے۔ (ن ی)