جسٹن بیبر نے کنسرٹ میں جاتے ہوئے اپنے مداح کو مکا رسید کر کے زخمی کر دیا

بارسلونا(ہاٹ لائن) سپین کے شہر بارسلونا میں کنسرٹ کے لئے شوفر کے ہمراہ جاتے ہوئے ایک مداح نے بیبر کی گاڑی میں ہاتھ ڈال کر انہیں چھونے کی کوشش کی۔ بائیس سالہ گلوکار نے اسکا ہاتھ جھٹکنے کی بجائے اسے مکا رسید کیا جس سے اسکا ہونٹ پھٹ گیا۔ ایک نامعلوم شخص نے واقعے کی ویڈیو بنا لی۔ ویڈیو میں نوجوان گاڑی کے ساتھ بھاگتا نظر آتا ہے اور پھر بیبر کا ہاتھ تیزی سے حرکت کرتا دکھائی دیتا ہے۔ اسکے بعد نوجوان کے منہ سے خون جاری ہو جاتا ہے جبکہ گلوکار اپنی گاڑی میں آگے بڑھ جاتا ہے۔