وزیراعظم عمران خان 8 اپریل کو ڈی ایٹ کانفرنس میں شرکت کریں گے

اسلام آباد : وزیراعظم عمران خان 8 اپریل کو دسویں ڈی ایٹ کانفرنس میں شرکت کریں گے ، کانفرنس بنگلہ دیش کی طرف سےورچوئل منعقدکی جارہی ہے۔

تفصیلات کے مطابق پاکستانی دفتر خارجہ کی جانب سے جاری بیان میں کہا گیا ہے کہ وزیراعظم عمران خان 8اپریل کودسویں ڈی ایٹ کانفرنس میں شرکت کریں گے ، بنگلہ دیش کی طرف سے ورچوئل کانفرنس کا انعقاد کیا جارہا ہے۔

ترجمان دفتر خارجہ کا کہنا تھا کہ ورچوئل کانفرنس میں وزیراعظم پاکستان کی قیادت کریں گے، اس کے علاوہ وزیرخارجہ شاہ محمودقریشی اور وزرا کونسل بھی شرکت کریں گے۔

ترجمان نے کہا کہ ڈی ایٹ کانفرنس کا موضوع ’بدلتی ہوئی دنیا کے لیے اشتراک: نوجوانوں اورٹیکنالوجی کو تقویت دینا‘ ہو گا۔

دفتر خارجہ نے مزید بتایا کہ بنگلادیش میں ہونے والی ڈی ایٹ کانفرس میں بنگلادیش، مصر، انڈونیشیا، ایران، ملیشیا، نائجیریا، ترکی اور پاکستان‘ کے سربراہ شرکت کریں گے۔