صوابی انٹر چینج پر پرویز خٹک کے قافلے پر پولیس کی شیلنگ ، کارکن منتشر

صوابی (ہاٹ لائن) صوابی انٹر چینج پر پولیس اہلکاروں نے پی ٹی آئی کے قافلے پر شیلنگ کر دی ۔
میڈیا رپورٹس کے مطابق وزیر اعلیٰ پرویز خٹک کی قیادت میں پی ٹی آئی کے قافلے پر پولیس نے آنسو گیس کی شیلنگ کر دی جس سے کارکن منتشر ہو گئے ۔
ذرائع کا کہنا ہے صوابی میں ہارون پل پر پولیس نے کنٹینر لگا کر راستہ بند کر رکھا ہے جب قافلہ اس مقام پرپہنچا تو پولیس نے کارکنوں کو منتشر کرنے کیلئے آنسو گیس کی شیلنگ کر دی ۔ قافلے کے ساتھ کنٹینر ز کو ہٹانے کیلئے کرین بھی موجود تھی جب کرین آگے بڑھی تو پولیس نے شیلنگ کر دی جس سے کارکن منتشر ہو گئے ۔ ہارون پل صوابی سے آٹھ کلو میٹر کے فاصلے پر واقع ہے جہاں کارکنوں پر پولیس کی بھاری شیلنگ جاری ہے جبکہ تحریک انصاف کے کارکن پولیس پر پتھراﺅ کر رہے ہیں ۔