شلپا کو دل آزاری پر معافی مانگنی پڑگئی

میرا کسی کے جذبات کو ٹھیس پہنچانے کا کوئی ارادہ نہیں تھا، شلپا شیٹھی۔

ممبئی: بالی ووڈ کی نامور اداکارہ شلپا شیٹھی نے نچلی ذات کے افراد کے جذبات کو ٹھیس پہنچانے پر معافی مانگ لی۔

بھاتی میڈیا رپورٹس کے مطابق بالی ووڈ کی نامور اداکارہ شلپا شیٹھی نے سماجی رابطے کی ایپ پر ٹوئٹ کرتے ہوئے کہا کہ ’میرے بیان کو توڑ مروڑ کر پیش کیا گیا جب کہ میرا کسی کے جذبات کو ٹھیس پہنچانے کا کوئی ارادہ نہیں تھا۔

شلپا نے اپنے ایک اور ٹوئٹ میں معافی مانگتے ہوئے کہا کہ اگر میرے الفاظ سے کسی کے جذبات کو ٹھیس پہنچی تو اس پر میں اُن سے معافی مانگتی ہوں جب کہ مجھے فخر ہے کہ میں ایسے ملک سے تعلق رکھتی ہوں جہاں مختلف ذات اور عقائد کے لوگ بستے ہیں اور میں ان میں سے ہر ایک کا احترام کرتی ہوں۔

واضح رہے کہ سلمان خان اور شلپا شیٹھی نے ایک شو میں لفظ بھنگی منفی معنوں میں استعمال کیا تھا جو کہ ولمیکی برادری کو ناگزیر گزرا جس کے بعد جے پور میں شدید مظاہرے اور پتلے بھی نذر آتش کیے گئے۔ بعدازاں پولیس نے دونوں اداکاروں کے خلاف ایف آئی بھی درج کرلی