سال نو کا جشن ہماری کامیابیوں کا مظہر ہے، ترجمان پاک فوج

ہمیں اپنے غازیوں اور شہدا کا شکریہ ادا کرنے کی ضرورت ہے، ڈی جی آئی ایس پی آر

راولپنڈی: پاک فوج نے شہریوں کو نئے سال 2018 کی مبارکباد دیتے ہوئے کہا ہے کہ اس موقع پر شہدا کی قربانیوں کو بھی یاد رکھیں۔

پاک فوج کے ترجمان میجر جنرل آصف غفور نے سماجی رابطوں کی ویب سائٹ ٹوئٹر پر جاری بیان میں کہا کہ ملک بھر میں سال نو کا جشن بحیثیت قوم ہماری کامیابیوں اور عزم کا مظہر ہے۔

ڈی جی آئی ایس پی آر کا کہنا تھا کہ ہمیں یہ خوشیاں شہدا کی قربانیوں کی وجہ سے ملی ہیں، ہمیں نئے سال کے موقع پر شہدا کی قربانیوں کو نہیں بھولنا چاہئے اور ان کا شکریہ ادا کرنے کی ضرورت ہے۔ قبل ازیں آرمی چیف جنرل قمر جاوید باجوہ نے اپنے پیغام میں کہا کہ 2018ء غیر معمولی چیلنجز کے ساتھ انتہائی اہمیت کا حامل ہے جب کہ پاکستان کے عزم کو کوئی شکست نہیں دے سکتا۔