بحری دفاع اقتصادی راہداری کی ترقی کیلئے ناگزیر ہے: راحیل شریف

کراچی (ہاٹ لائن) چیف آف آرمی سٹاف جنرل راحیل شریف نے نیول ہیڈ کوارٹرز کا الوداعی دورہ کیا جہاں چاک و چوبند دوستے نے انہیں سلامی پیش کی۔ پاک نیوی کے سربراہ کا کہنا ہے کہ آپریشن ضرب عضب میں کامیابیاں جنرل راحیل شریف کی مرہون منت ہیں۔آرمی چیف جنرل راحیل شریف نے بھرپور تعاون پر نیول چیف کا شکریہ ادا کرتے ہوئے کہا کہ بحری دفاع اقتصادی راہداری کی ترقی کیلئے ناگزیر ہے۔
میڈیا رپورٹس کے مطابق آرمی چیف جنرل راحیل شریف نے نیول ہیڈ کوارٹرز کا الوداعی دورہ کیا جہاں پاک بحریہ کے سربراہ ایڈمرل ذکاءاللہ نے ان کا استقبال کیا جس کے بعد پاک بحریہ کے چاق و چوبند دستے نے معزز مہمان کو سلامی پیش کی۔ اس کے بعد پاک بحریہ کے سربراہ اور آرمی چیف جنرل راحیل شریف کے درمیان ملاقات ہوئی جس دوران نیول چیف نے آرم چیف کی خدمات کو سراہتے ہوئے انہیں خراج تحسین پیش کیا اور کہا کہ ضرب عضب کی کامیابیوں نے ملکی سلامتی اور ترقی پر گہرے اثرات چھوڑے، ضرب عضب کی کامیابیاں جنرل راحیل شریف کی مرہون منت ہیں ۔
اس موقع پر آرمی چیف نے آپریشن ضرب عضب میں پاک بحریہ کے بھرپور تعاون پر نیول چیف کا شکریہ ادا کیا اور کہا کہ سمندری سرحدوں کے دفاع میں پاک بحریہ کا کلیدی کردار ہے جبکہ بحری دفاع پاک، چین اقتصادی راہداری کی ترقی کیلئے ناگزیر ہے ۔