بھارتی فورسز کی بلا اشتعال فائرنگ سے 2 شہری شہید، 7 زخمی

سیالکوٹ(ہاٹ لائن) بھارتی فورسز نے ایک بار پھر سیز فائر کی خلاف ورزی کرتے ہوئے ورکنگ باؤنڈری پر بلا اشتعال فائرنگ کی جس کے نتیجے میں 2 پاکستانی شہر شہید اور 7 زخمی ہو گئے۔
پاک فوج کے شعبہ تعلقات عامہ آئی ایس پی آر کے مطابق بھارتی فورسز نے ورکنگ باؤنڈری پر ہرپل، پوخلیاں اور چارواہ سیکڑز میں بلا اشتعال فائرنگ اور شیلنگ کی جس کے نتیجے میں ایک بچی سمیت 2 پاکستانی شہری شہید ہوئے جب کہ گاؤں جنگلوڑہ میں بھارتی فائرنگ سے 7 شہری زخمی بھی ہوئے۔ پنجاب رینجرز نے بھرپور جوابی کارروائی کر کے بھارتی توپوں کو خاموش کرادیا.a
آئی ایس پی آر کے مطابق زخمیوں کو طبی امداد کے لئے سی ایم ایچ منتقل کر دیا گیا ہے جب کہ بھارتی فائرنگ کے باعث علاقے میں خوف و ہراس پھیل گیا ہے اور لوگ گھروں میں محصور ہو کر رہ گئے ہیں۔